Free2blossom

Free to Dream..Free to Live..Free to Express..Free to Blossom

نصائح سياحية لزيارة اسطنبول

سنة عن سنة لا يخف ألقها، ولا يخفت بريقها بالنسبة لي . طبيعة خلابة من غير خمول أو برود أو وحشة. مدنية عصرية وشبكة حديثة من غير تكلف أو تخطي الجماليات. إرث تاريخي وتراثي هائل من غير رتابة أو ملل. في كل مرة -ومهما تعددت المرات- قد تلاحظ تفصيلاً جمالياً جديداً يأخذك من جديد. إسطنبول مدينة أحبها وأنتظر دوماً لقاءها وأخرج في  كل زيارة لها بروح منتعشة وإلهام متجدد.

 إنما تبقى تجربة السفر فرصة لملاحظة أشياء جديدة، ومراقبة متغيرات طارئة، والتعلم من المفارقات. أشارك في هذا البوست ملاحظات سريعة من خبرتي الشخصية بعضها عام  حول السفر، وبعضها خاص بتركيا واسطنبول على وجه الخصوص( الملاحظات أدناه بالعامية البيضاء)

Screen Shot 2015-08-31 at 8.40.20 PM

الاستعداد للسفر

هي أول خطوة مهمة لتبدا رحلتك بخطوات موفقة. الاستعداد الجيد بيوفز عليك مفاجآت مزعجة. مهم انك تساوي ولو بحث صغير عن الوجهة اللي ح تروحها. بالنسبة لاسطنبول ما بتحتاج كتير عصف ذهني وبحث خارق لأنه البلد حلوة بكل تفاصيلها، وين ما مشيت حلو، بس الاستعداد مهم.

شي مفيد ممكن تساويه كمان هي انو تتأكد إنو موبايلك إذا ضاع -لا سمح الله- مأمن. يعني في باسوورد للشاشة مثلاً. والأقوى من هيك في موبايلات متل الآيفون و الاتش تي سي فيها خدمة خاصة بهالشي إذا فعلتها ممكن تدير موبايلك من كمبيوترك بإعطاء أوامر متل قفل الجهاز أو مسح المحتويات. بس لازم تعرف كيف تفعلها.

خطوط الطيران

 شخصياً جربت الخطوط التركية وكانت فعلاً سفرة جيدة من حيث الراحة في المقاعد (طيارات كبيرة) والوجبة المقدمة. المشكلة اللي تكررت معنا مرتين انو برحلة العودة اكتشفنا انو المقاعد راحت وحطونا على لائحة الانتظار مع انو حجزنا أونلاين والحجز مثبت وكل شي. حجتهم كانت انو هي سياسة معروفة عند كتير شركات طيران وهي انو بيحقلها تبيع مقاعد زيادة وانو لازم المسافر يرجع يساوي تثبيت للحجز قبل بأربع وعشرين ساعة من الرحلة من خلال الموقع الإلكتروني. قلتلهم طيب عالقليلة ابعتوا إيميل أوتوماتيكي ذكروا المسافرين انو عليهم يساووا هالشي. بس بشكل عام مناقشة الأتراك حتى لو بالمنطق إذا كان عندهم بند قانوني ما بتفيد ولا بتنفع.

لما حجزت على فلاي دبي هاد الشي اللي ساووا: بعتوا إيميل قبل أربع وعشرين ساعة لتثبيت الحجز مرة تانية واختيار المقاعد.

مكان الإقامة

إذا كنت رايح لفترة أقل من أربع أسابيع وخاصة في فصل الصيف حيث الازذحام في ذروته، بنصح انو تاخد بأوتيل بمكان قريب من وسائل النقل العامة ومن المناطق في قلب البلد. تجربتي كانت موفقة مع أوتيل ميركيور في التقسيم. أربع نجوم. نضيف كتير. أسعاره كتير معقولة. موقعه كتير استراتيجي: صاير بنزلة القنصلية الألمانية بشارع متفرع من الساحة الرئيسية للتقسيم: يعني ٥ دقايق مشي عالساحة، ٥ دقايق مشي على قصر الدولمة باشه، التكاسي ممكن توصله من شارع الدولمة باشه عوضاً عن التقسيم مشان تتفادى الزحمة، وصول سريع لكل المراصلات العامة: المترو من التقسيم، الترام السياحي من الكاباتاش (شارع الدولة باهشه)، المواصلات المائية اللي ممكن توديك على جزيرة الأميرات وغيرها، الباصات العامة متل باص مدينة ألعاب الفيا لاند اللي ممكن تاخده من يمين ساحة التقسيم. كله بخلال ٥-١٠ دقايق مشي.

أهم الأماكن

.يعني إذا كنت رايح أسبوع مثلاً كأول زيارة ممكن اقترح التالي

يوم ١: منطقة السلطان أحمد ومتحف الآيا صوفيا (إذا نازلين بالأوتيل المذكور خدوا الترام). استمتع بالكافيهات اللي بالمنطقة وبعدين زور إحدى هالمكانين اللي بنفس المنطقة: متحف الفن الإسلامي والتركي، خزان البازيليكا  Basilical Sictern

يوم ٢: فطور بالأولوس بارك  (إذا نازلين بالأوتيل المذكور ممكن تروحوا بالتاكسي) . بعدين ع مول فلوريا. زوروا أول شي الأكواريوم بعدين أكلة سمك بحديقة فلوريا بعدين العصرونية بالمول

 يوم ٣:مشوار عالجراند بازار بعدين تمشوا على جامع  يني كابي  وخدوا وجبة عند مطعم حمدي مثلاً (خدوا الترام)

 يوم ٤: مول استينية بارك وبعدين كملوا ع حديقة الإميرجان  (بالمترو)

يوم ٥:رحلة ع صبانجة ومعشوقية. ممكن تحجزوا مع شي مكتب من اللي موجودين بالتقسيم

يوم ٦: قصر الدولمة باهشه ،والعصررحلة بالبوسفور (من منطقة الأورتاكوي

 Via Land يوم ٧: الفيا لاند

التعامل

يمكن أهم ملاحظة بياخدوها الأجانب عالبلد حاجز اللغة. الأتراك ما كتير بيحكوا انجليزي بس هالايام سهل تمشي حالك مع وجود عدد كبير من السوريين اللي أتقنوا التركية بعقلهون النضيف ومهارتهم المعروفة ورغبتهم بالحياة وصار بكتير محلات في شاب سوري ليتفاهم مع الزبائن الأجانب

أمر تاني انو بدك تنتبه من قصة العملة المقلدة. لما تصرف ليرات تركية من الصراف الرسمي اتأمل شكل العملة منيح ولما بيرجعلم صاحب التاكسي أو المحل ليرات اطلع فيهم جيداً واذا لاحظت أي اختلاف اطلب تبديلها.

رحلة سعيدة وزيارة موفقة 🙂

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Information

This entry was posted on August 31, 2015 by in Uncategorized.
%d bloggers like this: