Free2blossom

Free to Dream..Free to Live..Free to Express..Free to Blossom

أحلام مبكية

(تنويه: بوست للمسخرة)

شو كان صار يعني لو إنه:

عاطف نجيب بكى بكاء شديداً لما جابولو أطفال درعا و قال: اسماع ولا عمو انت وياه ولاك: مسامحين بس لا عاد تعيدوها ها.. هي هيبة دولة بتهزها خربشات الطباشير مو مزحة هي..

رأس النظام بكى بكاء شديداً لما سمع هالكام هتاف (الشعب السوري ما بينذل) وقال: اسمعي يا روح أبي ملعون الروح ولي: ما عاد رح كمل ع نهجك الظلم الفاشي، هاد شعب محقوق هاد..مو قطيع ماشية

قيادة الجيش بكت بكاء شديداً لما صدر أمر القيادة العليا بإطلاق الرصاص الحي على المتظاهرين وقالت: اسماع ولا قائد أعلى ولا..يا حيف علينا إذا منقتل شعبنا.. نحنا حماة الديار نحنا..مو عصابة الوالد

القيادات الدينية “للطائفة الكريمة” بكت بكاء شديداً وقالت: اسمعوا ولو إمة الله..غطاء طائفي لهالإجرام مافي..هدول إخواننا بالوطن هدول..مو رعايا عند بيت الأسد

جامعة الدول العربية بكت بكاء شديداً لما سقطوا مدنيين بالرصاص وماتوا معتقلين من التعذيب وقالت: اسماع ولا أرعن ولا..من بكرة رح نبعت قوات عربية مشتركة تكون درع للمدنيين يا أما بتحل مشاكلك مع شعبك بالسلمية.هاد شعب عربي كريم هاد..مو عدو صهيوني

الأمم المتحدة بكت بكاء شديداً لما نزل أول صاروخ وأول قذيفة طيارة حربية وأول برميل على روس المدنيين بمساكنهم وقالت: اسماع ولا بوتين ولا..الفيتو تبعك جائر انت وبلدك محروم من الفيتو خمسين سنة ومن بكرة رح ننسق لغطاء جوي آمن..هاد دم بشر هاد مو مي..

حسن نصرالله بكى بكاء شديداً لما إجاه أمر المرشد الأعلى بالدعم العسكري الميليشي المباشر وقال: اسماع ولا إمام ولا.. تجلياتك هي ما رح تمشي علينا هالمرة..هي مظلومية شعب هي..مو بلطجة وزعبرة

جماعات القاعدة بكوا بكاء شديداً وقالوا: اسماع ولا بغدادي ولا..أحلامك السودا هي روح طبقها بكهوف جهلستان وبعد عن الشعب السوري..هي دولة مدنية هي..مو إمارة حرب وعصور جاهلية..

قادة الجيش الحر بكوا بكاء شديداً وقالوا: اسماع ولا راسنا المنتفخ ولا..بدك تجي ع حالك وتتوحد تحت قيادة وحدة واستراتيجية متكاملة..هاد تحرير وطن هاد..مو حارة كل مين إيدو إلو..

قيادات المعارضة بكوا بكاء شديداً وقالوا: اسمعي ولي نفس شايفة حالها ولي..بدك تحطي كل الخلافات الإيديولوجية والأجندات الملتوية ع جنب وتمشي بخطة وطنية متناسقة..هاد مشروع وطني ومسئولية تاريخية..مو سيران و حفلة تكسير روس

جهابذة الفيسبوك بكوا بكاء شديداً وقالوا: اسماع ولا مارك ولا..من بكرة بدك تضفلنا خاصية البوست بدولار والشير بنص للي بدو يحكي حكي تبلي وتجني و تلفيق وتحريض..هي موضوعية للتاريخ هي مو أكل هوا

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Information

This entry was posted on June 4, 2014 by in Uncategorized and tagged , .
%d bloggers like this: